Waxa ay u muuqataa in masuuliyiinta kooxda Catalan ee Barcelona ay isha ku hayaan in ay xagaagan la soo saxiixdaan xiddig ka tirsan kooxda Al-Hilal.
Barcelona ayaa kaliya xagaagan dhamaystirtay hal saxiix waana saxiixa gool haye Juan Garcia oo ay Espanyol kaga soo iibsatay ku dhawaad 28 milyan oo euro.
Barcelona ayaa joojisay qandaraaskii Garcia ee Espanyol sabab la xiriirta diidmada dambe ee wadahadalka, tallaabadaas oo kooxda Catalan ay qorsheyneyso inay ku celiso heshiiskii ay kula soo saxiixaneysay garabka Neco Williams ee Athletic Bilbao, iyagoo heshiis la gaaray ciyaaryahanka qudhiisa.
Joao Cancelo waa bartilmaameedka cusub ee Barcelona
Sida laga soo xigtay Idaacadda Catalonia, xiddiga heerka caalami ee dalka Portugal João Cancelo, oo ah daafaca kooxda koowaad ee Al-Hilal, ayaa noqday bartilmaameedka xiga ee Barcelona, ka dib goolhaye Joan Garcia iyo garabka Nico Williams.
Agaasimaha ciyaaraha ee Barcelona, Deco, ayaa aaminsan in heshiiska Xidiga 31-jirka ah ee Cancelo uu ku habboon yahay kooxda reer Catalonia.
Wargeysyo dhowr ah ayaa horey u sheegay in maamulka Barcelona ay ka fiirsanayaan inay la soo saxiixdaan ciyaaryahan awood u leh inuu ka ciyaaro labada dambeed ee midig iyo bidix – haddii ay ogolaato Financial Fair Play – si ay ugu bedelaan labada ciyaaryahan ee kooxda ee Jules Kounde iyo Alejandro Balde.
Barcelona ayaa qiimeysay heshiiska Cancelo uu kula jiro Al Hilal
Inkastoo aan dalab rasmi ah loo gudbin Al Hilal, saraakiisha Barcelona ayaa wada xaajoodyo ku saabsan suurtogalnimada ay kula soo wareegayaan daafaca dambeedka midig ee heerka caalami ee dalka Portugal João Cancelo, sida lagu sheegay warbixin ay si joogto ah u tabiso Radio Catalunya.
Barcelona ayaa dul dhigtay lacag dhan 15 milyan oo Yuuro (SAR 66 milyan ah), iyadoo rajeyneysa inay ku filan tahay inay Al Hilal ku qanciso inay iska fasaxdo Cancelo.
Cancelo,Wa taageere Barcelona oo horay u matalay kooxda
João Cancelo, oo 31 jir ah, kuma cusba Barcelona, isagoo matalay kooxda Barca xilli ciyaareedkii 2023-24.
Waqtigaas, Cancelo ayaa amaah kaga soo wareegay kooxda reer England ee Manchester City muddo hal xilli ciyaareed ah.
Maamulka Barcelona ayaa doonayay inay Cancelo si joogto ah ula soo wareegaan xagaagii 2024, laakiin caqabado dhaqaale ayaa wakhtigaas hor istaagay heshiiska, Inuu dhaco
ka dib markii uu u haqaaqay Al-Hilal, xiddiga Reer Portugal ayaa muujiyay Jaceylka weyn oo uu u qabo Barcelona, haddii ay ahaan laheyd hadaladiisa ama xitaa Isaga oo soo dhigay Sawirada isaga oo xiran Maaliyada Catalan-ka boggiisa Baraha bulshada